“`html
Martes, Ika-23 Linggo ng Karaniwang Panahon
Ipinaaalaala ni San Pablo sa mga taga-Colosas ang ginawa ni Cristo para sa kanila at para sa atin: pinatawad Niya ang lahat ng ating mga kasalanan, nakiisa Siya sa atin sa Kanyang pagka-Diyos, at pinalaya Niya tayo mula sa lahat ng bagay na maghihiwalay sa atin sa pag-ibig ng Diyos. Ito ang mga dahilan ni Pablo kung bakit dapat tayong patuloy na lumago sa pananampalataya.
Ang Awit ay isang pagpupuri sa Diyos.
Sa Ebanghelyo, nakikita natin si Jesus na pumipili ng Kanyang labindalawang pinakamalapit na alagad at pagkatapos ay nagpapagaling sa mga lumalapit sa Kanya. Ang mahalaga sa teksto ay bago Siya magpasiya, “nagdaan Siya ng buong gabi sa pananalangin.” Nariyan ang Panginoon upang tulungan tayo, kaya dapat nating hilingin ang Kanyang tulong upang maisagawa natin ang ating mga pasiya.
“`
Leave a Reply