Huwebes, Ika-21 Linggo ng Karaniwang Panahon
S. Agustin, Obispo at Doktor ng Simbahan Alaala
Sa ating unang pagbasa, nakikita natin si San Pablo na pinupuri ang mga taga-Tesalonica dahil narinig niya kay San Timoteo ang kanilang matatag na pananampalataya. Nasa Corinto siya ngayon kung saan hindi maganda ang mga nangyayari sa kanya at sinabi niya sa kanila na gusto niyang makita sila muli dahil magbibigay ito sa kanya ng lakas. Matapos silang purihin, hinihikayat niya sila tungo sa mas malaking pagmamahal kaysa sa mayroon na sila, isang pagmamahal na yayakap sa buong sangkatauhan.
Sa Ebanghelyo, nakikita natin si Hesus na hinihikayat ang mga tao na maging laging handa dahil walang nakakaalam kung kailan matatapos ang buhay na ito. Hindi tayo maaaring maging Kristiyano kung kailan natin gusto, ngunit dapat nating mabuhay ang ating Kristiyanismo upang sa tuwing tatawag ang Panginoon, masumpungan Niya tayong handa at dalisay.
Leave a Reply